Техникийн боловсрол олгох сургалтын төгсөлтийн ажил хамгаалалт 2021 оны 01 сарын 15-ны өдөр цахимаар /Google meet/ явагдлаа.
Энэ хичээлийн жилд иргэний барилга, барилга угсралт, барилгын материалын үйлдвэрийн техник технологич, сантехник, цахилгаан болон сантехник, халаалт, агааржуулалтын төхөөрөмжийн техникч мэргэжлээр нийт 100 гаруй суралцагч төгсөлтийн төслийн ажлаа амжилттай хамгаалаад төгсөж байна.
Төгсөлтийн ажил хамгаалалтад “Дрийм санитари” ХХК-ны сантехникийн инженер Д.Энхбаатар, “Дабль пирамид констракшн” ХХК-ны барилгын инженер Д.Золжавхлан, “Түшиг даян оргил” ХХК-ны инженер С.Дашдулам нар үнэлгээ өгөв.
Мэргэжлийн боловсрол, сургалтын үнэлгээ мэдээлэл, арга зүйн төвийн үнэлгээ, гэрчилгээжүүлэлт хариуцсан арга зүйч С.Лувсанвандан, Ж.Пүрэвдорж нар төгсөлтийн ажил хамгаалах үйл ажиллагаанд хөндлөнгийн баталгаажуулалт хийлээ.
Нийт төгсөгчид, хамтран ажилласан ААН-ийн инженерүүд, хөндлөнгийн баталгаажуулагчид, үнэлгээний багийн гишүүд, мэргэжлийн болон анги удирдсан багш нартаа талархал илэрхийлж, ажлын өндөр амжилт хүсье.
