#Барилгын_политехник_коллежийн Сургалт арга зүйн зөвлөлөөс зохион байгуулсан суралцагчдын эрдэм шинжилгээний хурал 2 үе шаттай амжилттай зохион байгуулагдаж өндөрлөлөө. Хурал 1-р шат буюу илтгэлийн бичвэрийн шалгаруулалтад нийт 21 илтгэл ирүүлснээс 2-р шатанд МБОС-ын 11, ТБОС-ын 3 илтгэл шалгарч 2025 оны 04 сарын 10-ны өдөр болж өнгөрсөн бөгөөд нийт 13 ангийн 16 суралцагчийн 14 илтгэл хэлэлцүүлэгдлээ.
МБОС
1-р байранд Зч2б ангийн суралцагч Б.Оюунхоролын физикийн багш Л.Ганчимэгээр удирдуулан оролцсон “Монгол хэл, соёл-Бидний оролцоо” сэдэвт илтгэл
2-р байранд Аз2б ангийн суралцагч Х.Мөнхжаргалын механикийн багш Б.Дулмаагаар удирдуулан оролцсон “Хүлэмжийн төсөл ба хүмүүжлийн орчин” сэдэвт илтгэл
3-р байранд Ца1а ангийн суралцагч Э.Энх-Амарын монгол хэл, уран зохиолын багш Ш.Мөнхтунгалагаар удирдуулсан “Өсвөр үеийнхний гадаад үгийн хэрэглээ ба түүний эх хэл, соёлд үзүүлэх нөлөө” сэдэвт илтгэл
ТБОС
1-р байранд Мтех1а ангийн суралцагч Б.Дашдэмбэрэлийн англи хэлний багш Б.Цэнд-Аюушаар удирдуулан оролцсон “Суралцагчдын хөгжил” сэдэвт илтгэл
2-р байранд Бтех1а ангийн суралцагч Д.Барсхүлэгбаатарын зураг зүйн багш Ч.Нацагдоржоор удирдуулан оролцсон “ТБОС-ын ангид үзүүлэх интериер дизайны үр нөлөө” сэдэвт илтгэл тус тус шалгарлаа.
Илтгэлийн уралдааныг дараах ерөнхий сэдвүүдийн хүрээнд зохион байгуулсан бөгөөд суралцагчдын хөгжил сэдвээр хамгийн олон асуудлууд хөндөгдсөн илтгэл хэлэлцүүлэгдсэн байна.
Монгол хэл, өв соёл -Бидний оролцоо – 4
Суралцагчдын хөгжил – 5
Үе тэнгийн дээрэлхэлтийг зогсоох миний шийдэл – 1
БПК-ийг “Эко сургууль”болгох боломж – 3
Орчин үеийн залуучуудын эерэг өөрчлөлт – 1
Мөн сургуульдаа хүлэмж байгуулах, цаасны хаягдлаа дахин боловсруулах, дотуур байраа өөрсдөө тохижуулах, интерьер дизайны хичээлийг нэмэлтээр судлах гэсэн шинэ санаачлага, бүтээлч хандлагыг эрэлхийлсэн сонирхолтой илтгэлүүдийг хэлэлцүүллээ.
Судлаач шавь нараа бэлтгэж эрдэм мэдлэг, судалгааны арга зүйгээ өвлүүлэн сургаж ажилласан удирдагч багш нартаа болон шүүгчээр ажилласан Тэргүүлэх багш, мэргэшсэн инженер Б.Лхагвасүрэн, ӨМӨЗО Их сургуулийн докторант Ү.Шүрээ, МУИС-ийн докторант, Тэргүүлэх багш Т.Мөнхтуяа нартаа талархал илэрхийлье.
