Барилгын политехник коллежийн МБОС II ангийн судлах уран зохиолын хичээлийн хөтөлбөрийн агуулгын хүрээнд бэлтгэсэн жүжигчилсэн тоглолтын уралдаан 2025 оны 04 сарын 03-04-ний өдрүүдэд амжилттай зохион байгуулагдаж өндөрлөлөө.
Уралдаанд МБОС-ын 2-р ангийн нийт 13 анги оролцож авьяас чадвар, өөр нэгэн дүр бүтээн өрсөлдсөнөөс шагналт байруудад дараах ангиуд шалгарлаа. Үүнд:
Тэргүүн байранд С.Отгонцэцэг багштай Бетон арматурчин 2Б анги С.Отгонцэцэг багшийн найруулга зохиомж
Дэд байранд Л.Сүнжидмаа багштай Барилгын засал чимэглэлчин 2А анги Х.Сүнжидмаа багшийн найруулга зохиомж
Гутгаар байранд Г.Батцэцэг багштай Барилгын сантехникч 2А анги Н.Алтангэрэл багшийн найруулга зохиомж тус тус шагналт байруудад шалгарч өргөмжлөл, үнэ бүхий зүйлээр шагнууллаа.
Шүүгчээр Номын санч Г.Ариунаа, нийгмийн түншлэл үйлдвэрлэлийн дадлага хариуцсан арга зүйч Ө.Цэцэгмаа, нийгмийн ажилтан Ч.Живзүнпагма нар хамтран ажиллаа.
Тэргүүн байранд шалгарч улсын уралдаанд оролцох эрхээ авсан Бетон арматурчин 2Б ангийн хамт олонд сугалаа мэргэн байж, амжилтаа бататгахын ерөөл өргөе.
Уралдаан оролцсон нийт суралцагч, багш, эрхэм шүүгч нартаа талархал илэрхийлж Эгшиглэнт эхийн ивээлд багтаж уран барилгыг ургуулах үйлс нь үргэлж өөдөө байхыг хүсэн ерөөе
