Багш нарын хичээлийн бэлтгэл, заах арга, ур чадварыг сайжруулах, сургалтын шинэ технологи, арга зүйг нэвтрүүлэх, харилцан туршлага солилцох, түгээн дэлгэрүүлэх зорилгоор “Заах аргач багш” шалгаруулах уралдаан 2019 оны 03 сарын 04-ын өдөр зохион байгуулагдлаа.
Уралдаанд тэнхим бүрээс шалгарсан нийт 6 багш амжилттай оролцож, Математикийн багш Ц.Эрдэнэчимэг 1-р байр, Химийн багш Б.Дүүриймаа 2-р байр, Механикийн багш Б.Лхагвасүрэн 3-р байр тус тус эзлэв.
Энэхүү уралдааны дүнд механикийн багш Б.Лхагвасүрэн УББАЗТ-өөс зохион явуулдаг “Шилдэг технологич багш -2019” уралдаанд оролцох эрх авлаа.
“Заах аргач багш” шалгаруулах уралдаанд амжилттай оролцсон багш нартаа баяр хүргэж, сурган хүмүүжүүлэх их үйлсэд өндөр амжилт хүсэн ерөөе.
СУРГАЛТ АРГА ЗҮЙН ЗӨВЛӨЛ
