2024 оны 12 сарын 25-ны өдөр бол европ түмний зул сарын баярын өдөр бөгөөд бүх нийтээрээ амарч гэр бүлээрээ тэмдэглэн өнгөрүүлдэг хамгийн чухал баяр нь юм. Барилгын политехник коллежийн герман хэл сонгон суралцагчид энэхүү баярыг 3 дахь жилдээ тэмдэглэн өнгөрүүлж европ дахины баяр, ёслолын соёлтой танилцлаа.
Зул сарын баяр нь Есүс Христийн мэндэлсэн өдөр бөгөөд хүн төрөлхтний түүхэн дэх хамгийн эртний баяр тул зөвхөн европын орнууд төдийгүй бусад орнууд, хүн төрөлхтөн өргөн дэлгэр тэмдэглэдэг баяр юм. Баярын үеэр суралцагчид багш нарын бэлтгэсэн зул сарын халуун ундаа буюу германы үндэсний “HEIßER KINDERPUNSCH”-ийг амтлан, баярын зууш идэнгээ хөгжөөнт тоглоом тоглож, 1, 2-р ангийн суралцагчид хоорондоо герман хэлээр танилцан, хөгжилтэй яриа өрнүүлж цагийг зугаатай өнгөрүүллээ.
Тухайн өдөр МБОС-ын 1-р ангийн суралцагчдын дунд “ГЕРМАН ОРНЫГ ХЭН САЙН МЭДЭХ ВЭ?” танин мэдэхүйн АХА тэмцээн, сонгоны ангийн суралцагчдын дунд 11 үгэнд багтаан “ЗУЛ САР”-ын тухай шүлэг зохиох тэмцээнийг тус тус зохион байгуулсан.
АХА тэмцээнд Барилгын цахилгаанчин 1а ангийн суралцагч Б.Баяр түрүүлж, “ЗУЛ САР”-ын шүлэг зохиох тэмцээнд Металл, боловсруулах машины оператор /токарь, фрезер/2а ангийн суралцагч Д.Пүрэвбаатар шалгарсан.
Шилдэг шүлгийг толилуулбал: Weihnachten Das Geshenk Die Geshenke austaushen Unsere Lieblingsgeshenke Die Geschenke begeistern uns Fröhliche Weihnachten Зул сар Бэлэг Бэлэг солилцох Бидний дуртай бэлэг Бэлгүүд биднийг гайхшируулдаг Зул сарын мэнд хүргэе.
Баярын төгсгөлд герман хэлний сонгоны 1а,1б ангиудын хооронд герман “ТҮРГЭН ХЭЛЛЭГ”-ийн тэмцээн зохион байгуулж Гагнуурчин 1б ангийн суралцагч С.Одбаяр цэвэр, тод дуудлагатай сурагчаар шалгарлаа. Баярын хамгийн сэтгэл догдлуулсан мөч бол суралцагчид бэлдэж ирсэн бэлгээ солилцон чин сэтгэл, баяр хөөрийн мэдрэмжээ хуваалцсан нь байлаа.
Герман хэл сонгон суралцагч бүх шавь нартаа хэл, соёлын өндөр боловсрол эзэмшин герман оронд олон олон зул сарын баярыг тэмдэглэн өнгөрүүлэх ерөөл дэвшүүлье.
