Герман хэлний дипломын ДСД шалгалтын эрхтэй сургуулийн захирлуудын бага хурал амжилттай зохион байгуулагдав

ХБНГУ-ын Засгийн газрын дэргэдэх Хилийн чанад дахь ЕБС-уудын хэрэг эрхлэх газраас дэмжигдсэн 6 сургууль (1-р сургууль, 38-р сургууль, Дойче Шүлэ, Гёте сургууль, Барилгын Политехник Коллеж, Эрдэнэт хот дахь 14-р сургууль) монгол улсын хэмжээнд герман хэлний сургалт, шалгалт, уралдаан тэмцээнүүдийг зохион байгуулж ажилладаг.

2019 оны 01-р сарын 07-ны өдөр эдгээр сургуулиудийн захирлуудын бага хурлыг Улаанбаатар хот дахь герман хэлний мэргэжлийн зөвлөх багш, төлөөлөгч Маттхиас Бюкэрт, Барилгын Политехник Коллежийн захирал хатагтай Г.Нямдуламтай хамтран зохион байгууллаа.

Уулзалтаар сургуулийн удирдлагууд 2017-2018 оны хичээлийн жилийн дүгнэлт, 2019-2020 оны хичээлийн жилийн ерөнхий төлөв, төлөвлөгөөгөө ярилцаж нэгдсэн дүгнэлтэд хүрсэн. Мөн түүнчлэн Герман хэлийг гадаад хэл болгон зааж буй сургуулиуд хоорондын хамтын ажиллагаа, Монгол-Германы дипломат харилцаа тогтоосны 45 жилийн ойн хүрээнд зохион байгуулах үйл ажиллгаанууд, герман хэлний сургалтын үр дүн, амжилтыг үнэлж дүгнэх журамтай нэг бүрчлэн танилцаж, цаашид сурагчдын амжилт чанарыг хэрхэн дээшлүүлэх талаар санал бодлоо солилцож, уулзалт үр дүнтэй болж өнгөрлөө.