“ХИЧЭЭНГҮЙ БИЧИГТЭН -2021” УРАЛДААН

Барилгын Политехник коллежийн нийт багш ажилтан, МБОС, ТБОС-ын ангийн суралцагчдын дунд цагаан сарын баярыг тохиолдуулан уламжлал ёсоор зохион байгуулдаг “ХИЧЭЭНГҮЙ БИЧИГТЭН -2021” уралдааныг 6 дахь жилдээ амжилттай зохион байгуулж дүнгээ гаргалаа.

Энэ жилийн уралдаан нь цаг үеийн байдлаас /цар тахал/ шалтгаалан 2021.02.09 – 02.19 ны өдрийг хүртэл хугацаанд цахимаар явагдсан хэдий ч оролцогчид маань идэвх зүтгэлтэй, сэтгэл зүрхээ зориулж, сурсан мэдсэн монгол бичгийн чадвараа бусдадаа үзүүлж, үнэлэлт, дүгнэлт авч өрсөлдлөө.

Тус уралдаанд 22 багш ажилтан, ТБОС-ын 18 суралцагч, МБОС-ын 68 суралцагч, нийт 108 оролцогчид авьяас чадвар, оюун ухаанаараа уралдаж, бичиг үсгийн соёлоо гайхууллаа. Үүнээс байр эзэлсэн багш, суралцагчдыг танилцуулбал:

Багш, ажилтан төрөлд:

I байр: Б.Жамбаацэрэн /Зураг зүйн багш/
II байр: Б.Отгонгэрэл /Англи хэлний багш/
III байр: Г.Оюунцэцэг /Амьдрах ухааны багш/
Тусгай байр: Э.Оюунболд /Зураг зүйн багш/
Тусгай байр: Ш.Болормаа /Математикийн багш/

ТБОС оюутан төрөлд:

I байр: Х.Солонго /Барилгын техникч 1б/
II байр: Д.Тананбаяр /Цахилгааны техникч 1б/
III байр: Д.Данаа /Барилгын техникч 1б/
Тусгай байр: Л.Цэнд-Аюуш /Сантехникч 1а/
Тусгай байр: Ц.Батболд /Барилгын техникч 1б/

МБОС суралцагч төрөлд:

I байр: Л.Мичидмаа /Засал чимэглэл 1б/
II байр: Б.Доржсамбуу /Засал чимэглэл 1б/
III байр: А.Хосшагай /Авто засварчин 1а/
Тусгай байр: О.Эрхдарь /Засал чимэглэл 1а/
Тусгай байр: Х.Энхтайван /Авто засварчин 1б/ нар тус тус шалгарлаа.

Сургалтын түвшин, анги бүлэг, ажлын онцлог харгалзахгүй монгол бичгийн уралдаанд идэвх зүтгэлтэй оролцож, жил бүр оролцогчдын тоо нэмэгдэн, өрсөлдөөн ихтэй болж байгаа нь үндэсний өв соёл, бичиг үсгээ хайрлан хамгаалах чин хүсэлтэй хүүхэд залуучууд их болсны илрэл юм.

Уралдаанд оролцсон багш, ажилтан, албан хаагч нар маань монгол дээлээ өмсөн уралдаанд оролцсон бүтээлтэйгээ зураг авахуулж бидэнд ирүүлэн Эх хэлнийхээ хөгжилд гар бие оролцож буйгаа хүндэтгэн илэрхийлсэнд тусгайлан талархал илэрхийлмээр байна.